爛得過cctvb嗎?

去旅行，呢頭上完全韓國最高點------南山塔參觀，嗰晚個塔即刻畀人炸鬼咗，險死！哦, 原來係電視劇嘅瘋狂情節，嚇久咗一陣。咁都得？試問無綫會唔會話要炸冧中銀先？

夜晚喺酒店睇電視，KBS台有齣叫<未來的選擇>嘅劇，劇情唔知講乜，因為冇可能睇晒，只知係一類大陸依家好興嘅穿越劇，柴娃娃，青春無敵。演員們我不能夠識，姑且當係宗澤、香香、仲謙同敏之。其中一節係話宗澤同香香飾演嘅主播預知有狂徒喺地鐵放炸彈，雙方在站內展開追逐戰。狂徒擲汽油樽搞到一地都係，糾纏間香香被塌下嘅巨型廣告電箱壓中，仍奮不顧身，把手中的手機交畀宗澤，叫佢邊追人邊為電視台直擊，那個一直暗戀香香的宗澤竟然不救心上人，真係走去追嗰個狂徒。⋯⋯

另一邊廂，電視台隱形皇孫仲謙同另一靚女主播敏之跑到去地鐵站內嘅水房，合二人之力，企圖剪開一大抽畀狂徒綑綁嘅鐵鎖，來打開水掣放水滅火，乜站內冇其他職員同保安咩？同時，被壓著的香香，身上的廣告電箱火花四濺，地上的汽油樽，一滴一滴在流。不過冇人會驚，因為勇敢的宗澤真係會制服狂徒，差佬又及時趕到，仲謙與敏之又真係終於剪開個鎖，好肯嘢！宗澤跑返去托起電箱救回香香，這時，電箱又及時爆炸，灑水器又及時放水，安全大吉，咪幾好。

觀後感……原來無記啲劇都算幾好睇嘅。至於韓國啲女星，似乎索過啲港女喎！